Cerita Lucu Manado

Mo baca cerita lucu? Mari jo langsung

Alo pe babi ta lapas,pas dia samantara ba cari , dia baku dapa deng opa benya yg pongo da duduk di muka rumah..

Alo : opa dapa lia kita pe babi??(suara vol 3)..

Opa : apaaa??!!....

Alo : kita pe babi talapas,opa da lia.(volume 5)..

Opa : apaaa????!!

Alo : (mulai ganas) opa da lia kita pe babi???!!!! (Volume 7)..

Opa : aaapppa???!!!

Alo : (ganas) OPA DAPA LIA KITA PE BABI???!!! (Volume maximum)..

Opa :(manyao santai) ohhhh....co ngana lia dimuka situ,klo ada depe solop brarti dia da ba uni sinetron di dalam!!!!

Alo : falao!!

wkwkwkwkwkwk.....****

Satu waktu di kampung…
Ada karja bakti for mo bekeng pastori, samua masyarakat baku tulung. Ada satu warga dp nama
Alo.
Ini Alo kasiang sadiki culun.
Sasadiki dorang prenta kasana kamari pa dia. Kong dia ley kasiang cuma ta iko-iko.
Bayangkan, sampe berdoa makang dorang tunjung pa dia.
Kong Alo berdoa bagini:
"TUHAN terimakasih ENGKAU telah menyertai kami dalam membangun pastori ini. Skarang torang mo makang. Di sini ada Pendeta, Camat, Kuntua deng banya Majelis Gereja.TUHAN ajarkan mereka
untuk berdoa, supaya kalu dorang so tau berdoa nda’ sadiki-sadiki Alo…..sadiki- sadiki Alo….Alo trus…. Alo Trus…..Dari baru mo mulai bangun pastori, samua suruh Alo. Mo antar proposal Alo, ba campur smen Alo…. sampe ini, mo berdoa ley suruh pa Alo.
Tuhan tau Alo p hati, Tuhan tau Alo pe pergumulan, karna hanya kepadaMU Alo memohon. Hanya kepadaMU Alo mengadu.. karna di sini samua tekeng Boss.. Apa-apa Alo, apa-apa Alo…..!
Nanti TUHAN Lia ne? Pasti kalu Alo klar berdoa, dorang samua mo marah pa Alo…
AMIN….!

ƗƗaƗƗaƗƗa "̮ ƗƗaƗƗaƗƗa "̮

Alooo..aloooo.. mo dapa skap ngana alo